Buruaren edo gogamenaren kudeaketa
Adimena kudeatzen ikasteko ikastaroen helburu nagusia parte-hartzaileei sentitzeko, pentsatzeko eta jarduteko modua erraz eta modu erabilgarrian koordinatzen irakastea da.
Horretarako, nork bere gogamen kontzientea eta inkontzientea miatzen eta erabiltzen ikasten du; horrela, nahita eta berariaz lantzen dituzte gogamenari lotutako oinarrizko prozesuak, hala nola arreta, irudimena eta oroitzapena. Ikastaroetan, parte-hartzaileek erlaxazio-teknikak, meditazioa, autohipnosia eta antzeko tresnak erabiltzen ikasten dute.
Ikastaro hauek baliagarri eta jakingarriak dira honelakoak nahi dituztenentzat:
Harremanen lanketa hobetzeko trebetasunak:
Harremanen lanketa hobetzeko trebetasunak jorratzen dituzten ikastaroen helburu nagusia da parte-hartzaileei beste pertsona batzuekin eta norberarekin hartu-emanak eduki edo ezaguerak egiteko prozesua zer den eta zertan datzan ulertzen irakastea.
Ikastaro honen bidez, testuinguruaren araberako harreman-modu berriak, betiere baliagarriak, gogobetegarriak eta esanguratsuak, aurkituko ditugu. Horretarako, harremanetan elkarreragiteko, komunikatzeko eta esanahi partekatua sortzeko beharrezkoak diren trebetasunak garatzen ikasten dute parte-hartzaileek, behar dutena lortu eta, aldi berean, esperientzia baliagarriak eta kalitatezkoak sor ditzaten.